Маршрут заўзятара на матч з «МЛ Віцебск»

19.05.2026

Новости за эту неделю Вернуться к списку новостей

Ужо ў гэтую пятніцу нашу каманду чакае няпросты матч з дзеючым чэмпіёнам краіны — «МЛ Віцебск». Нам вельмі важная падтрымка нашых заўзятараў, таму расказваем, як дабрацца ў паўночную сталіцу нашай краіны.

Дзённы цягнік Гомель-Віцебск. Дызель-цягнік 613Ь адправіцца з Гомельскага вакзала 22 мая ў 06:27 і прыбудзе на канчатковую кропку ў 12:55. Квіток абыйдзецца ў 14,09 BYN.
Начны цягнік Гомель-Віцебск. Чыгуначны састаў пад нумарам 605Б адправіцца з Гомеля 21 мая ў 19:22, а на Віцебскі вакзал прыбудзе на наступны дзень у 06:00. Кошт квіткоў - ад 27,27 BYN да 37,80 BYN у залежнасці ад тыпу вагона.
Аўтобус Гомель-Віцебск. Для тых, хто не падабае грукат колаў, ёсць варыянт з ранішнім выездам на вялікім аўтобусе, які адпраўляецца з Гомельскага аўтавакзала 22 мая ў 07:45 і прыбывае на канчатковую кропку ў 12:45. Квіток коштам 40 BYN можна набыць на сайтах аўтобусных агрэгатараў, такіх як infobus.by, atlasbus.by і інш.

Традыцыйна спланаваць шпацыр па Віцебску можна праз анлайн-часопіс для падарожнікаў. Стадыён ЦСК «Вiцебскi», на якім 22 мая ў 20:00 адбудзецца матч, размешчаны па адрасе: праспект Генерала Люднікава, 12. Уваход на стадыён вольны. Каб падабраць самы хуткі і дакладны маршрут з любой кропкі горада, а таксама паглядзець актуальны расклад грамадскага транспарту, можна выкарыстоўваць сэрвіс Яндэкс.Карты.

Каб з'ехаць назад з Віцебска дадому, ёсць два варыянты, звязаных з Беларускай чыгункай.

Прамы цягнік Віцебск-Гомель. Пасля матчу будзе дастаткова часу, каб дабрацца да Віцебскага вакзала і ў 01:09 сесці на начны цягнік, які прыбудзе ў Гомель у 07:44. Кошт квіткоў - ад 21,73 BYN да 30,16 BYN у залежнасці ад тыпу вагона.
Цягнік з перасадкай у сталіцы. Цягнік № 679ФБ адправіцца з Віцебска ў 00:23 і прыбудзе ў Мінск раніцай наступнага дня ў 06:02. Кошт квіткоў — ад 11,73 BYN да 25,01 BYN. Затым у 07:08 можна зрабіць перасадку на хуткасны трохгадзінны цягнік да Гомеля або скарыстацца паслугамі транспартнай кампаніі «Смайлбус».

Падтрымаем каманду ў матчы з лідарам чэмпіянату!